ახალი ტურისტული მიზიდულობის ცენტრების შექმნის მიზნით "სვანეთის  ტურისტული დანიშნულების ადგილის მართვის ორგანიზაცია"- Svaneti DMO ახორციელებს ახალი საფეხმავლო მარშრუტების მოკვლევას.

სვანეთის DMO-ს თანამშრომლებმა გაიარეს და შეადგინეს ახალი საფეხმავლო ბილიკის მარშრუტის რუკა:

იფარი – წულარი – ჩხუტნიერის მიმართულებით.

ეს მიმართულება ხასიათდება უნიკალური ხედებით, რომელიც აერთიანებს ერთის მხრივ – კავკასიონის ხედებს, ხოლო მეორეს მხრივ – სვანეთის ქედის პეიზაჟებს და სხვა ბევრ საინტერესო ბუნების საოცრებას.

აღნიშნული მარშრუტი იფუნქციონირებს როგორც საფეხმავლო, ისე საცხენოსნო და ველო ბილიკადაც კი.

აღსანიშნავია ის ფაქტიც, რომ ბილიკს ექნება სოციალურ-ეკონომიკური მნიშვნელობა, რადგან ის ხელს შეუწყობს ტურისტულ საქმიანობაში ნაკლებად ჩართული თემების პოპულარიზაციას და ახალი ტურისტული ობიექტების გაჩენას.